The virtuoso pianist from Georgia

then skenat e botës muzikore me debutimet e saj të një repertori të gjerë. Aja ka lindur në një qytet të Gjeorgjisë, buzë Detit të Vdekur, për të ngjallur një admirim botëror për të dhe artin e saj. Duke lexuar biografinë e saj më shkoi mendja tek një vajzë shqiptare edhe ajo e bukur edhe ajo pianiste e mrekullueshme e talentuar edhe ajo nga një qytet bregdetar, që humbi në tymnajën e kohës. E bëra këtë përqasje për të nënvizuar induksionin e lumit të fatit që rrjedh poshtë nesh e na shtron apo rrënon rrugën e jetës.

Megjithatë Katia lindi me një talent të rrallë: fillon pianon në moshën 3 vjeç me të jëmëm dhe kur ishte 6 vjeç mban koncertin e parë në publik me orkestrën e Dhomës së Tbilisit. Më pas studion në Kryeqytetin Gjeorgjian për të vazhduar në Vienë e në Paris. Sot ajo është qytetare franceze e Gjeorgjiane që debuton nga të katër anët e botës dhe konkuron me figurat më të shquara të pianizmit në botë.

Çfarë është ajo që e dallon virtuozen Katia Buniatishvili nga pianistët e tjerë? Karakteristikat e interpretimit të saj janë shumë të dallueshme pasi ajo lundron në qiellin e saj i cili të mrekullon kur e prek me sytë e mendjes. Ajo ka gjetur me përsiatje apo intuitë se raportet e tempit, dinamikës, kontrastit shenjave ekspresive dhe në përgjithësi të gjitha mjeteve kompozicionale që brumosin materialin muzikor duhet të kenë vendet e tyre të reja dhe çështë më e rëndësishmja ka gjetur dhe mënyrën e realizimit të tyre përmes një studimi të kujdesshëm dhe të gjatë. Tingulli i saj ka një gamë të gjerë ngjyrash të cilat ajo i përdor me lehtësi në lakimet nga ai i kadifenjtë (Schubert: Impromptu No. 3në Sol mazhor) tek ai i errët dhe i rëndë (Tema e sonatës Si b minor të Listit – fillimi), apo edhe brenda një vepre (Rapsodia Nr 2 e Listit – fillimi).

Katja nuk ka paragjykime në thyerjet asaj ritmike që është vendosur nga praktika dhe inçizimet e pianistëve të mëdhenj të shekullit XX. (Fillimi i Rapsodisë Hungareze Nr 2 të Listit, apo shumë momente tek Campanella e Listit, etj.) Në fakt duket se ajo ka revolucionarizuar dhe ngritur shpejtësinë e ekzekutimit të disa veprave dhe të shumë momenteve të tyre. Të gjitha këto sugjestionuese, të menduara, të arsyetuara, që i japin krahë emocionit të spektatorit dhe njëkohësisht vlerë vetë artit tësaj të interpretimit.

Saktësia e saj në realizimin e pasazheve më të vështira të literaturës botërore ka thyer limite dhe ofrohet së bashku me saktësinë në nënvizimin e niveleve të ndryshme dinamike të veprës, të cilat theksojnë edhe më bukur emocionet mahnitëse që ajo përcjell.

Ajo mbahet si adhuruese e Listit, por do të thoja se vetë Listi do të ishte një adhurues i saj dhe jo vetëm kaq por dhe shumë autorë të periudhave të ndryshme kanë shkëlqyer nga interpretimit e pianistes së shekullit Katia Buniatishvili, që nga Hajden tek Debysi, që nga Mozart tek Rahmaninov, që nga Bah tek Stravinskij apo Satie.

Diskografia e saj është e pafund. Atë mund ta dëgjoni në netët e gjata të dimrit dhe të shihni mrekullitë e botës edhe kur jeni pa sy.

Përsëri i kthehem kujtimit të largët të pianistes së bukur shqiptare. Çfarë e pengoi dhe bëri të dredhojë rrugën e saj? Sigurisht shumë faktorë por më i rëndësishmi mendoj se ishte injoranca kolektive e kohës e cila sot, fatkeqësisht po thellohet.

Nestor Kraja

You may also like...

Leave a Reply

Your email address will not be published.

Subscribe
No Thanks
Thanks for signing up. You must confirm your email address before we can send you. Please check your email and follow the instructions.
We respect your privacy. Your information is safe and will never be shared.
Don't miss out. Subscribe today.
×
×
WordPress Popup
error: Sorry! You don\'t copy...