Orkestra e Shën Petërburgut homazh kompozitorit Pietro Mascangi

Mediat italiane i kanë kushtuar një vëmendje të madhe koncertit që muzikantët e orkestrës ruse të Shën Petërburgut mbajtën në Itali. Sipas “il messaggero” ky koncert u zhvillua në kuadër të përkujtimit ndaj kompozitorit të shquar italian Pjetro Maskanji. (Pietro Mascangi).

Me një interpretim teknikisht të përsosur, mes një përcjelljeje  të madhe emocionale orkestra e Shën Petërburgut i bëri homazh maestros Pietro Mascagni, duke interpretuar në Konservatorin e Santa Çeçilias me rastin e festimeve të quajtura “Natale di Roma”. Koncerti që mori rrebesh duartrokitjesh nga ana e publikut të shumtë në numër u mbajt të mërkurën e datës 17 prill në sallën e Akademisë së konservatorit “Via dei Greci”. Drejtori i orkestrës Marco Seco, i riu italo-argjentinas drejtoi mjeshtërisht 72 instrumentistët e konservatorit Rimskij-Korsakov, me muzikën e Pjetro Maskanjit, autorit italian dhe kompozitorit të Kavalerisë Rustikane si dhe i 14 veprave të tjera.

Të pranishëm në sallë ishin përfaqësues institucionesh, të muzikës, të sipërmarrjes dhe të spektaklit. Mes të tjerëve morën pjesë në  këtë aktivitet Daniela Traldi presidente e Konfederatës italiane të shoqatave dhe fondacioneve për muzikën lirike dhe simfonike, senatori  Nicola Acunzo anëtar i komisionit të Kulturës në  Dhomën e Deputetëve dhe anëtar i komisionit Vigilanza Rai,  profesori Roberto Giuliani drejtori i Konservatorit mikpritës,  Maria Teresa Mascagni presidente e Komitetit Mascagni si dhe mbesa e kompozitorit të madh italian, aktori Sergio Assisi, mecenati  Duca Giannandrea Lombardo di Cumia etj.

Ky koncert do të ripërsëritet në 27 maj në Shën Petërburg me rastin e themelimit të qytetit rus dhe do të propozohet që ky koncert të përsëritet çdo vit për të forcuar raportet italo-ruse.

You may also like...

Leave a Reply

Your email address will not be published.

Subscribe
No Thanks
Thanks for signing up. You must confirm your email address before we can send you. Please check your email and follow the instructions.
We respect your privacy. Your information is safe and will never be shared.
Don't miss out. Subscribe today.
×
×
WordPress Popup
error: Sorry! You don\'t copy...