ReMusica në Prishtinë, mbrëmje akusmatike dhe përvojë belge

E marta e 28 majit do të ftojë sërish adhuruesit e muzikës në Prishtinë për një mbrëmje të veçantë në llojin e saj. Programi i radhës i Festivalit ReMusica është i ndarë në dy pjesë: fillimisht në orën 18.00 në Amfiteatri i Biblotekës Universitare do të vijë një bashkëpunim mes  Kosovës dhe SKENËS SË RE Belgjikë. Bashkëpunimi qëndron mes Degës së  Artit Muzikor të Universitetit të  Prishtinës dhe Studentëve të  Konzervatorit Mbretëror të Monsit (ARTS² École Supérieure des Arts) përkatësisht klasës së prof. Donika Rudit nga Kosova dhe  prof. Clement Parmentier nga  Belgjika.

Për të vijuar po sonte në orën 20.00  në mjediset e këtij Amfiteatri do të jetë sërish CLÉMENT PARMENTIER.

Kompozitori, videografi, spacializeri dhe sound-designeri  do të interpretojë në “Natën akusmatike dhe video-muzikore belge”.

Ky është edhe programi i kësaj mbrëmjeje:

Bernard Parmegiani
La roue ferris

Beatriz Ferreyra
La ba balle du chien chien à la mé mère

Clément Parmentier
Trou noir

Clément Parmentier
Je m’en fous

Manah Depauw & Jen Debauche
Gemini

Clément Parmentier
Rêve éveillé # 2

Theksojmë se ky koncert është  i pesti në kuadër të Festivalit ReMusica,  edicioni i vitit 2019.

Festivali ka nisur sivjet më 24 maj dhe do të mbyllet me koncertin e mbrëmjes së 2 qershorit.

Ky është edicioni i 18-të i Festivalit Ndërkombëtar të Prishtinës ReMusica drejtore e të cilit është pikërisht njëra nga protagonistet e kësaj mbrëmjeje, kompozitorja nga Kosova Donika Rudi. Jo vetëm koncerte, por edhe masterklase janë duke u mbajtur në kuadër të këtij Festivali i cili u gjendet pranë edhe grup-moshave më të reja e deri tek më të rriturit.

/Opusalb/