Ja si nisi viti 2019 për Dua Lipan

Pas disa javësh do te kemi mundësi ta shohim artisten shqiptare Dua Lipa  në ceremoninë e çmimeve “Grammy” ku ajo është dy herë e kandiduar. Dua është një nga kandidatet në garë për “Artisten më të mirë të re” dhe për “Rregjistrimin më të mirë dance” për këngën “Electricity”.

Por viti i ri sapo ka nisur me një dalje të re në tregun muzikor.  Kënga titullohet “Swan Song” dhe është shkëputur nga kolona zanore e filmit “Alita: Battle Angel”. Kënga ka një perkusion që dëgjohet fort dhe një kor që e bën të denjë për një pjesë indie që është edhe shumë në modë. Zërat tribalë në sfond, perkusioni dhe elementët e vegjël orkestralë e  justifikojnë edhe popullaritetin e këngës.

Koreografia e Duas është si një mësim xhudoje ndërsa fundi shfaqet si një metamarfozë: muzikantja shndërrohet në një robot.  Dekori ku ndodh aksioni i klipit është pikërisht nga filmi.

Filmi “Alita” ka për producent një emër të madh si James Cameron ndërsa regjia nga Robert Rodriguez. Regjia e këtij klipi mban emrin e Floria Sigismondi, e cila dëshironte të trajtonte mesazhin e gjetjes apo zbulimit të vetëvetes.

Albumi debutues i Duas doli në vitin 2017 ndërsa vitin e kaluar ajo bashkëpunoi me tenorin italian Andrea Bocelin për këngë “If only”.  Dua ka mbajtur edhe edicionin e parë të Festivalit të saj “Sunny Hill” në Prishtinë, si dhe ishte në grupin e artistëve shqiptarë të cilët u pritën nga Papa në Vatikan me rastin e mbylljes së Vitit të Skënderbeut në fund të vitit të kaluar.

 

 

You may also like...

Leave a Reply

Your email address will not be published.

Subscribe
No Thanks
Thanks for signing up. You must confirm your email address before we can send you. Please check your email and follow the instructions.
We respect your privacy. Your information is safe and will never be shared.
Don't miss out. Subscribe today.
×
×
WordPress Popup
error: Sorry! You don\'t copy...